Par: Med Najib Trimasse


البلاد دواور ودشور،

غابات وبحور،

برارك وديور،

معقول،خيانة وجور،

حالة دواري ضوارة

ريحة الشياط منو فوارة

الفقر والفساد دار خبلة فالحارة

نفرو الولاد وهربو عند الجارة

مندبة ف ذيك الدوار

مندبة ف هذاك وذاك

مندبة وحتى في هذاك

 

دشرتي صحرا،لا ما لا نعمة

الجهل فيها والبطالة بالجملة

شحال من وعد ف كل حملة

ولا واحد ف الكلمة

مندبة في ذيك الدشرة

مندبة في هذيك وذيك

مندبة حتى في هذيك

 

غابات بلادي كثيرة

حطبها يد في الكروش الكبيرة

وحشها يضربو عليه الويسكي والبيرة

و أنا و امثالي عايشين فالحيرة

مندبة ف الكروش الكبيرة

مندبة في هذيك وذيك

مندبة وحتى في هذيك

 

بحورنا طويلة وعريضة

شواطئ وحيتان فريدة

الرمل خوصصوه،تشمش فيه النفوس المريضة

والحوت بيه يجيبو العملة م البلاد البعيدة

و أنا و انت نتمارسو على كديدة

وكل مرة نكولو حتى تجي الحكومة الجديدة،

تزول الضيم منا والغبينة

وتكون لكل محروم أم حنينة،

لكن حليب الأم تمخض بلا مخيض

وسمم البدين وقتل المريض

القروقة تعيى تقاقي وبلا بيض

مندبة ف كل قديم وكل جديد

مندبة في هذيك وذيك

مندبة حتى في هذيك.

 

علاش شي ساكن ف ديور

واش من ديور هوما...

وشي ساكن فبرارك

واش فرارج هوما؟

علاش شي يغرس بحالي وبحالك

وشي يرد ف الآخر اللومة؟

علاش بغاو يجوعو الحومة؟

علاش...؟ علاش...؟

علاش باغيين تحكمو غير نتوما؟

علاش...؟علاش...؟

واش اللي داز ما كفاش؟

واش كلشي كباش؟

ولا نتوما حناش؟

سر البحيرة تفتاش،

باش يبانو صحاب الهمة

ويظهرو مشتتين اللمة،

بغينا نطويو الماضي زعمة،

بغينا قلوب الرحمة،

بغينا ليلنا تضويه شمعة،

بغينا عين بلا دمعة،

بغينا خير وسلام الشبعة،

فنظركم،هاذ الشي ممكن يكون؟

ولا حتى يفنى الكون؟

 

--

محمد نجيب اطريمس.

Aucune note. Soyez le premier à attribuer une note !

Commentaires (2)

1. fatimazouhra mrabte 31/05/2012

Votre écriture beaucoup plus que d'une réalité éclatante dans lequel nous vivons et peut être réalisé s'il était ici seulement 10 des hommes comme vous êtes sensible

2. Abdelkader RHERROUSSE 11/06/2010

Bravo mon cher trimas;je viens de lire ton magnifique "zajal"alors que je suis en france.ça m'a encore fait rougir "malahchouma" alors que je vois les pays qui ont avancé dans tous les domaines...wahna rahna 3ad ndawro .tbarkallah 3lik ya akh trimas watmanit hada tohfa yakraha kol wahad.tkon oghniya yatghana biha kol wahad ka yhab blado.baraka allaho fika wa mazidan mina al ibda3.ton frère RHERROUSSE

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

        

                           Cliquez ici pour plus de détails !
 

                                   

 

Creer un Forum

Créer un site gratuit avec e-monsite - Signaler un contenu illicite sur ce site

×